ދ. ކުޑަހުވަދޫ ޕޮލިސް ސްޓޭޝަނުން އިސްނަގައިގެން ދ.މާނއެނބޫދޫ ރައްޔިތުންނަށް “ދުޅަހެޔޮ ސިއްހަތަކަށް ކަސްރަތު” މި ޝިޔާރުގެ ދަށުން ކަސްރަތު ފޮރޮގްރާމެއް ދ.މާއެނބޫދޫގައި ފަށައިގެން ކުރިއަށް އެބަގެންދެއެވެ.

ދ.މާއެނބޫދޫ ކައުންސިލާއި ދ.މާއެނބޫދޫ އަންހެނުންގެ ކޮމިޓީ އާއި ގުޅިގެން މި އޭޕްރީލް 19 ވަނަ ދުވަހުފެށިގެން ކުރިއަށް ގެންދާ މި ކަސްރަތު ޕްރޮގްރާމަކީ އެއް މަސް ދުވަހުގެ މުއްދަތަށް ހިންގާ ޕްރޮގްރާމެކެވެ.

މި ޕްރޮގްރާމުގައި 36 ފަރާތަކުން ބައިވެރިވެފައިވާއިރު މި ޕްރޮގްރާމުގައި ކަސްރަތުކުރަންވީ ރަނގަޅު ގޮތްތަކާއި ދުލަހެޔޮ ސިއްޙަތެއްގައި ހުރުމަށް ކުރެވިދާނެ ކަންކަމާއި ފައިދާ ހުރިކާނާއާއި ގުޅޭގޮތުން މަޢުލޫމާތު ދިނުމަށްވަނީ ހަމަޖެހިފައެވެ.

މި ޕްރޮގްރާމްގެ ކުލާސްތައް ކުރިއަށް ގެންގޮސްދެނީ ދ.ކުޑަހުވަނދޫ ޕޮލިސް ސްޓޭޝަނުގައި މަސައްކަތް ކުރާ ފުލުހުންގެ ތެރެއިން ޕިޒިކަލް ޓްރެއިނިންގ އިންސްޓްރަކްޓަރ ކޯސް ފުރިހަމަކޮށްފައިވާ ޕޮލިސް ސްޓާރފް ސާރޖަންޓް އަޙްމަދު ރަޝީދެވެ.

މި ޕްރޮގްރާމް ކުރިއަށް ގެންދިއުމުގައި ދ.މާއެނބުދޫގެ ރައްޔިތުންގެ ވަރަށް ފުރިހަމަ އެއްބާރުލުމެއް ފުލުހުންނަށް ދަނީ ލިބެމުންނެވެ.