ކެންސަރ ސޮސައިޓީ އާއި ބޭންކް އޮފް މޯލްޑިވްސް ގުޅިގެން އުރަމަތީ ކެންސަރާއި ބެހޭގޮތުން އާންމުން ހޭލުންތެރި ކުރުވުމުގެ ގޮތުން ބާއްވާ “ޕިންކް ރިބަން ވޯކް” ފާހަގަކުރުމުގައި ކުޑަހުވަދޫވެސް ބައިވެރިވާނެ ކަމަށް ބުނެފިއެވެ.

ބޭންކް އޮފް މޯލްޑިވްސްގެ ކުޑަހުވަދޫ ބްރާންޗްގެ ސްޕޮންސަރާއެކު މި އިވެންޓް ފަށަން ހަމަޖެހިފައިވަނީ ހަވީރު 4:00 ގައި މެހެމާން ސަރާ ހަމައިންނެވެ.

ކުޑަހުވަދޫއެކު ރާއްޖޭގެ 27 ރަށެއްގައި މި ހިނގާލުން ބާއްވައެވެ.

މި ހިނގާލުމުގައި ބައިވެރިވުމަށް ރަޖިސްޓަރ ވާކަށް ނުޖެހޭނެއެވެ. ނަމަވެސް މި އިވެންޓަށް ހާއްސަކޮށްގެން ބީއެމްއެލްއިން ވިއްކާ ޓީޝާޓުތަކެއް ވިއްކުމަށް ހަމަޖެހިފައިވާ ކަމަށާއި އެ ޓީޝާޓުތައް ވީހާވެސް ގިނަ ފަރާތް ތަކަކުން ގަތުމަކީ ވަރަށް އެދޭ ކަމެއްކަމަށް ބީއެމްއެލްއިން ބުނެއެވެ. މި ޓީޝާޓް ތައް ބޭންކް ބަރާންޗުން ގަންނަން ލިބޭނެއެވެ.

މި ޓީޝާޓުތައް ވިއްކައިގެން ލިބޭ ފައިސާ ހަދިޔާ ކުރުމަށް ހަމަޖެހިފައިވަނީ ކެންސާ ސޮސައިޓީއަށް ކަމަށް ބީއެމްއެލްއިން ބުންޏެވެ.