ފައުންޑޭޝަން އަދި ކީ ސްޓޭޖު 1 ގެ ދަރިވަރުންނަށް އަމާޒުކޮށްގެން ދ.އަތޮޅު ތަޢުލީމީ މަރުކަޒުގެ އިސްލާމީ ހިޔާއިން ބޭއްވި މަދަހަ މުބާރާތް މިއަދު ނިމިއްޖެއެވެ. 

80 ދަރިވަރުންގެ ހުނަރުވެރި ހުށަހެޅުންތައް ފެނިގެންދިޔަ މި މުބާރާތް ފެށުނީ މިއަދު ހެނދުނުއެވެ. މުބާރާތުގެ ސަބަބުން ތުއްތު ދަރިވަރުންނަށް އެކުދިންގެ ހުނަރު ތަރައްޤީ ކުރުމަށް ރަނގަޅު ފުރުޞަތުތަކެއްވަނީ ލިބިފައެވެ. އެގޮތުން ދަރިވަރުން މުބާރާތަށް ހޮވިފައިވަނީ ކޮންމެ ކުލާހަކުން އޮޑިޝަނެއް ބޭއްވުމަށް ފަހުގައެވެ. އަދި އޮޑިޝަނުން ހޮވުނު ދަރިވަރުންނަށްވަނީ އިތުރު ތަމްރީނުދީފައެވެ. 

މި މުބާރާތުގައި ހޮވުމަށް ހަމަޖެހިފައިވާ ވަނަތަކަކީ، އެންމެ މޮޅު ފަސް ކުލާހާއި، މުޅި މުބާރާތުން އެންމެ މޮޅު 5 ބައިވެރިންނާއި އަދި ކޮންމެ ގުރޭޑަކުން އެންމެ މޮޅު 5 ބައިވެރިންނެވެ.